可能我要將我既人生任務重新改為：「把地球當為瀕危物種保育」。當外星人來探訪地球時，他們不會看“你”的成就、豐工偉績，你在地球上的價值跟那隻浸死在你湯內的蒼蠅是一模一樣的，因為地球就只是「一個」個體。
細細個成日跟住媽媽，所以成日都會群住一班大人身邊。聽過好多人講耶穌，有人話人生任務就係結婚生仔，有人話要享受人生，有人話係要升職賺錢防老，有人話係要養好個小朋友，有人話要貢獻番父母。我聽個好多林林總總既版本，好似大家都好有道理，又好似每個人都睇漏左好多野。
一埋大人見到我係小朋友就成日千方百計將自己果套傳授比我，但我一聽就知道邊個係發自內心領悟出黎，邊個只係將人地傳比佢果套拎去比自己用。所以由細到大變得唔鐘意同人交流。
我鐘意同花草樹木傾計，傾傾下就會發現，愈聽得多人類語言，就愈聽唔到大自然既聲音。所以我17歲果年就決定左我既人生任務就係去回饋我真正既「生母」– 地球。因為我爸我媽，我喜歡我討厭既人，我食既食物，大家都係係地球上出世。
但係，究竟地球想要既係咩呢？人類好喜歡幫其他人揸主意。媽媽會話自己個女鐘意乜乜乜，政客會話人民需要乜乜乜，就算係D打正旗號既環保團體或民主運動都唔例外。我無法直接問地球想要既係咩，但我知道大自然係地球既創造物，而我討厭既人類亦然，所以我唯一能夠做既就係用我有限既手眼腳耳去摸，去聽，去看。
所以我大學輾轉之下都係讀番傳理系（新聞）同生態系。
去過好多唔同既地方，見過形形式式既人文生態，得到左好多截然不同甚至偶然係互相矛盾的見解。或許地球從來就冇佢既人生任務，所以變相我都冇左我既人生任務了。但如果用樂觀主義那一套去詮釋既話，我存在在這個世界上已便是我的人生任務了。
